NLW MS. Peniarth 46 – page 192
Brut y Brenhinoedd
192
Sef a|ỽnaeth y|Saeson dispeilyaỽ eu kyll+
yll. a|chyrchu tyỽyssogyon y bryttanny+
eit. Jeirll. a barỽneit. a|marchogyonn
vrdolyon. a|e llad megys deueit. Sef eir+
yf a|las yna rỽg tyỽyssogyon. a gỽyr+
da ereill. Tri ugein ỽyr. a|phetỽar cann+
ỽr. ac yna y kymerth eidal escob corffor+
oed y|gỽyrda hynny. ac y|cladỽys ynn
agos y caer caradaỽc yn|y lle a|elỽir. salus ̷+
buri y|myỽn mynỽent ger llaỽ mana+
chloc ambri abbat y|gỽr a|seilỽys y|ua+
nachloc honno gynntaf. ac ny dothoed
gann y|bryttannyeit y|r dadleu dim arueu.
Canyt oed yn|y bryt ỽneuthur namyn
tagneued. ac ny thebygynt ỽynteu vot
ym|bryt y saesson amgen no hynny.
ac y|doethant ỽy y|bratỽyr anudonul
yn aruaỽc. ac eissoes y|kerryc a|uu da
amdiffyn yaỽn·da y|r bryttannyeit rac
y llad yn hollaỽl. C* yno y|dothoed
Eidol iarll caerloeỽ. ac y|cauas hỽnnỽ
| « p 191 | p 193 » |