NLW MS. Peniarth 46 – page 201
Brut y Brenhinoedd
201
y mynyned a|ỽesteteir ual y|glynnyeu.
ac auoned y|glynnyeu a|lithrant o|ỽa+
et. diỽyll y cristonogyon a|dileir. a ch ̷ ̷+
ỽymp yr eglỽysseu a|ymdyỽynic. Yn|y di+
ỽed y|grymhaa y|gyỽarssagedic. ac y|dy+
ỽalder yr estronyon y|gỽrthỽynepa. Can+
ys baed kernyỽ a|ryd canhorthỽy. a|my+
nygleu yr estronyon a|sathura dan y|traet.
Ynyssed yr eigyaỽn a darestygant idaỽ.
a gỽladoed ffreinc a|uedaỽt. Ty ruuein
a|gỽyn y|dyỽalder ef. a|e diỽed a|uyd pedrus.
yg geneu y bopyl yd anrydedir. a|e ỽeith+
redoed a uyd bỽyt y rei a|e datkano. Y
hỽechet ỽedy ef a|ymlynant y|teyrnỽia+
len. a gỽedy hỽynteu y kyuyt pryf o ̷
germania. Y moraỽl bleid a dyrcheif hỽn+
nỽ yr hỽnn a gytymdeithocca llỽyneu
yr affric. Y creuyd a|dileir eilỽeith. a|sy+
mudedigaeth yr eisteduaeu a|uyd. Teil+
ygdaỽt llundein a arỽydocca caer geint.
a bugeil caer euraỽc a|uynycha y|teyr+
| « p 200 | p 202 » |