NLW MS. Peniarth 46 – page 232
Brut y Brenhinoedd
232
mynn dy trugared di ỽneuthur amgen
no hynny. Rỽym di ni aỽ ac gỽna dy
eỽyllus ymdanam. a chyffroi ar tru ̷ ̷+
gared a oruc emreis. ac erchi kymryt
kygor ym·danunt. a chyuodi a|ỽnaeth
eidal escob caer loeỽ. a|theruynu ar yr
ymadrodyon yn|y ỽed honn. Y gabonite
a|doethant oc eu bod y erchi trugared
y bopyl yr ysrael. ae* ỽynteu a|e caỽssant
ac ỽrth hynny na uydỽn ỽaeth ninheu
cristonogyon no|r eideỽon. Ony rodỽn
udunt trugarared. llydan ac ehag yỽ.
ynys. prydein. a llaỽer yssyd ohoni yn diffeith
hep y|chyuanhedu. ac ỽrth hynny roder
trugared udunt. a|rann o|r ynys o|e chy+
uanhedu gann arỽein tragyỽydaỽl
geithiỽet y·danam ninheu. ac ar hyn+
ny y|trigyỽyt. ac odyna o angreiff oc+
ta y doeth ossa a|r saesson ereill y|geis+
saỽ trugared. ac ỽynteu a|e caỽssant.
ac yna y|rodet udunt yscotlont. ac y
| « p 231 | p 233 » |