NLW MS. Peniarth 46 – page 303
Brut y Brenhinoedd
303
1
a|m duc inheu y|mamaeth hi ygyt a|hi hyt
2
yma. a gỽedy keissaỽ ohonaỽ kytyaỽ a|hi y
3
bu uarỽ rac y|ouyn ef. a|duỽ a|alỽyaf|inheu
4
a|m heneint yn tystolyaeth ry|ỽneithur tre+
5
is ohonaỽ arnaf uinheu ỽedy hynny. ac
6
ỽrth hynny uyg|karedic ffo di rac y|dyuot
7
ef. yn herỽyd y|gynnedaỽt y|gytyaỽ a|mi
8
a|th ordiỽes di yn|y ỽed honn a|th lad. ac adaỽ
9
a|oruc ef ganhorthỽy idi hi yn ebrỽyd. a|dy+
10
uot a|ỽnaeth at y|getymeithon. a|menegi
11
udunt a|r|ỽelsei. a|chỽynaỽ a|oruc arthur yn
12
uaỽr marỽolyaeth y|uorỽyn. ac erchi y ada+
13
du y ymlad a|r caỽr. ac o|r gwelynt uot yn re+
14
it idaỽ dyuot y|ganhorthỽyaỽ. a|phann do+
15
ynt y|benn y|mynyd nachaf yr ormes honno
16
yn|dyuot a|bereideu o gic moch coet gantaỽ
17
yn|y hyssu yn llet|amrỽt. a|gỽedy gỽelet o+
18
honnaỽ y|gỽyr. bryssyaỽ a|oruc y|gymryt
19
y|fonn. kymeint hagen oed y|fonn ac yd|oed a+
20
breid y|r deu uilỽr deỽrhaf y|dyrchauel y ỽrth
21
y|llaỽr. a|dispeilaỽ cledyf a|oruc arthur. a|e gyr+
22
chu kynn dyrchauel y|ffon. ac nyt oed lesc
| « p 302 | p 304 » |