NLW MS. Peniarth 46 – page 343
Brut y Brenhinoedd
343
ac erbyn y|trydydyd yr oed y brenhin yn iach.
ac odyna dechreu a|ỽnaethant hỽy gymryt
hynt. ac y|gaer gydalet y|doethant y|tir
llydaỽ. ac y|doethant at selyf urenhin. llydaỽ.
a|e haruoll a|oruc ynteu udunt yn anrydedus
a gỽedy gỽybot o selyf ystyr y|neges. a|r
achos yr do·ethoed yno y|dyỽat ynteu ual
hynn. Doluryus yỽ gennyf|i ỽyr ieueinc
bot gỽlat ych|ryeni chỽi ỽedy ry|oresgyn
o estraỽn genedyl. a|chỽitheu ỽedy ych|de+
hol yn ỽaradỽydus. a phob kenedyl yn|y kyl+
ch yn amdiffyn yỽ* gỽlat yn ỽraỽl. anry+
ued yỽ gỽlat kynn gadarnnet ac ynys. prydein. na
ellỽch chỽi y|hamdiffynn rac saesson. a|ch+
hyn chỽitheu a|uydynt arglỽydi ar yr
holl ynyssed yn|y kylch. ac ny|bu un gene ̷+
dyl a allei ỽrthỽynebu udunt. eithyr gỽyr
ruuein. a gymellassant hỽy yn|y diỽed o+
honi yn ỽaradỽydus ỽedy llad y|tyỽyssogyonn
yn|llỽyr. ac eissoes er pann duc maxen ỽle+
dic. a|chynan meirydaỽc y|dylyedogyon o+
honi hyt y|ỽlat honn. ny bu yno hayach a
allei gynydu y breint idi dracheuen. a|chet
| « p 342 | p 344 » |