NLW MS. Peniarth 9 – page 11v
Ystoria Carolo Magno: Can Rolant
11v
a vei well. Eu ma m a damunynt yr caff+
el llad rei oc er n. Ac yna y dywaỽt
oliuer ỽrth y al hyn. llyman y pag+
annyeit yn hu ni pyham yd ymhar+
hoỽn ninheu ac ỽyntỽy oc eu kyrchu a rodi
vdunt y dyrnodeu kyntaf kyrchỽn vynyd
llewenyd ac ystondard charlymayn a dodỽn
aỽr arnadunt. Ac yn diannot kyrchu
mynyd lleuenyd a orugant y dodi gaỽr a
brathu y meirch ar ysparduneu a|chyrchu yr
yspaynwyr. Ac ny ffoes y saracinneit ac y velly
y kymyscỽys y llu ffydlaỽn ar anffydlaỽn.
Alsarot nei marsli oyd vlaynaf o|r pagan+
nyeit. Ac angreiffyaỽ llu y ffreinc a oruc yn
valch val hyn. Y ffreinc an·ffydlaỽn ychwi
a|ymgyuaruydỽch a mi·ui. Ac a brouỽch an
nerthoyd. drỽc ych ketwis y neb a dylyei aỽch
kadỽ ynuyt vu charlymayn aỽch rodi y|ch
colli yggeitwadayth rolond. A pan gigleu
rolond y valchder aniodef vu gantaỽ. Ac
yn dianot o nerth trayt y varch kyrchu
y syberỽ a gossot arnaỽ a|gleif drỽy y lit yn|y
taryan yny vu trỽy y daryan a|thrỽy y llu+
ryc a|thrỽy escyrn y vron a|thrỽy ascỽrn y
geuyn a|y dyrchauel o|y gyfrỽy a|y vỽrỽ yr
llaỽr a|y ganhebrỽg o|r ymadraỽd hỽn. Ac ef
yn|dygỽydaỽ. Byd varỽ gythreul heb ef y
gyt a|th syberwyt. Ac nyt ynuyt charlyma+
yn. Ac nyt drỽc y kymynỽys charlymayn
| « p 11r | p 12r » |