NLW MS. Peniarth 9 – page 43v
Ystoria Carolo Magno: Can Rolant
43v
ỽyr dodi teruyn yn keissaỽ na|y kaffo. Ac a vo
mỽyaf y vedyant mỽyhaf y chwennych yn+
teu. Ac y llauurya y vedu a vo mỽy. Edrych
di heb ef y saỽl ar veint ry geissỽys charly+
mayn aỽch brenhin y chwi drỽy y cledyf. ac
etwa ny dydiỽ yn gorffowys o geissaỽ hyt
na at y chwant damlygu teyrnassoyd idaỽ
ef rodi gorfowys y heneint. Corstinabyl ry
gauas ar calabyr a|r·uuein ar pỽyl. A pha
beth a oyd reit idaỽ ynteu weithon trossi
y andielỽ yspayn ninheu. Nyt kebydy+
ayth a beir y baỽp heb y gỽenwlyd llauu+
ryaỽ yn wastat y geissaỽ. namyn gỽeith+
eu y peir syberwyt a chlot anteilỽg o was+
datrỽyd . A gỽeitheu ereill y peir maỽr+
edigrỽyd bryt grymus llauuryaỽ. Ys pell+
ach y llauurya charlymayn ac ys pennach
y hestỽg teyrnassoyd nogyt yr eu medu
y dan y arglỽdiayth ef. ac y enỽ. Ac ny bu ei+
royt ac ny byd bellach vyth neb a allo gỽrth+
ỽynebu idaỽ ynteu. Ac val hyny y dichaỽn
y deudec gogyfurd. A ganedic vaỽredigrỽyd
gỽyrda ffreinc a|y gỽna ynteu yn gyn|rymus+
set a hyny ac eu hangerd ac eu molyant.
Nyt barna dỽy yn volyant heb y pagan.
namyn yn agkyghorus drudanyayth ym+
rodi heb orffowys y lauuryeu gormod a
perigyl agheu. Paham y bydant mor drut
y saỽl tywyssogyon a gỽyrda yssyd o ffreinc
| « p 43r | p 44r » |