Oxford Rawlinson MS. B 467 – page 18v
Meddyginiaethau
18v
vaỽr. a|mortera ẏn da a|chẏmer beth o gre+
int ẏ paris a|briỽ a|chẏmẏsc a|bỽrỽ myỽn
gỽin ac ẏchẏdic o|vel a|hidẏl drỽy liein
a|dot ẏ gadỽ ac yf o|hỽnnỽ gỽppaneit
bẏchan ẏ bore a|r nos ẏn diỽethaf ~ ~
Rac dolur penn. kẏmer ẏ rut a|r ffunẏ+
gẏl a|berỽ mẏỽn dỽfẏr ẏn da. ac a|hỽn+
nỽ golch dẏ|benn ẏn|vẏnẏch. Rac hỽ+
ẏd dissẏmỽth a del mẏỽn penn. kẏmer
ỽer hẏd a|mel a|blaỽt heid a sud ẏr eidẏ+
al a|morel a|berỽ mẏỽn padeỻ a|dot ẏn
flastẏr ẏn dỽyma ac ẏ geỻẏch Kẏmer
heuẏt ẏ|trẏỽ a mortera a|chẏmẏsc a|mel
ac ẏn dỽẏm dot ẏn flastẏr arnaỽ He+
uẏt mortera ẏ rut ac oleỽ ac a|hỽn+
nỽ ir dẏ dal. a|th gẏuẏs. Heuẏt kym+
| « p 18r | p 19r » |