Shrewsbury MS. 11 – page 6
Gwasanaeth Mair
6
1
Pỽẏ a dẏall cameu glanhaa ui o|m|dirg+
2
eloed ac arbet ẏ|th was am ẏ arỻẏon* ga+
3
mweithredoed Onẏt arglỽẏdiant ar+
4
naf diuagẏl uẏdaf ac ef a|m glanheir
5
o|r gweithretoed mỽẏaf Ac ef a|th rein+
6
gk·bod ẏmadraỽd vẏ geneu a medỽl
7
uẏ holl gallon geẏr dẏ uronn ditheu
8
Arglỽẏd uẏg|kanhorthỽẏaỽdẏr tẏti
9
ẏỽ vẏm prẏnaỽdẏr Gogonyant Megys
10
D uỽ bieu ẏ daẏar a|e chẏflaỽnder bẏt
11
ẏ daeerẏd a|e bressỽẏl niuer Kanẏs
12
ar ẏ moroed ef a|e seilẏaỽd ar yr auon+
13
oed a|e kẏweirẏaỽd Pỽẏ a escẏn ẏ uyn+
14
ẏd ẏr arglỽẏd neu bỽẏ a seif ẏn|y sante+
15
idrỽẏd Diargẏwed o dỽẏlaỽ a glan o
16
galon diorwac o|e eneit diurat o|e gẏ+
17
modogẏon Hỽnn a geif bendith ẏ gan
18
ẏ creaỽdẏr a thrugared gan duỽ ẏ iach+
19
ỽẏaỽdẏr Honn ẏdiỽ|r genedlaeth a|e ke+
20
is efo a geis ỽẏneb duỽ arglỽẏd pobyl
| « p 5 | digital image | p 7 » |