Breudwd Welsh Prose 1300-1425
Cymraeg

Cambridge Trinity College MS. O.7.1 – page 35r

Llyfr Blegywryd

35r

Messur daỽnbỽyt yỽ baccỽn tri byssic
yn|y hyscỽydeu. Ac yn|y hir·eis. Ac yn|y
chlunyeu. neu hỽch teir blỽyd vehin+
eit a heb uessur ar y mehin. neu lestreit
emenyn o teir dyrnued llet. A their dyf+
net. kic ych a telir dros tri daỽnbỽyt
gayaf. Ny thelir dros daỽnbỽyt gỽan+
hỽyn. namyn aryant. Ony ellir eu caf+
fel. deudec keinhaỽc a telir dros pob
un o·honunt. Ac vgein yscub o geirch
vn rỽym. A deudec torth o uara bych+
ein. A dỽy torth o vara maỽr peilleit
Ac ony byd gỽenith yno. bara rynyon
uydant. A chossyn gyt a phob daỽnbỽyt.
a wnelher o holl laeth y neb ae talho
bore ac echỽyd. A breuan emenyn kyn
teỽhet a motued. A chyflet ar dyskyl
lettaf yn|y ty. keinhaỽc a telir yr sỽyd+
ogyon gyt a phob daỽnbỽyt y gayaf.
Ar gỽanhỽyn. Yr haf os yn aryant uyd
y|tal. A cheinhaỽc yr gỽassanaethwyr. sef
uyd y rei hynny; y dofrethwyr ae kymhello.
UAl hyn yd amlyckeir dadyl tir.
Yr haỽlỽr bieu dangos y haỽl. A