BL Additional MS. 14,912 – page 50v
Llythyr Aristotlys at Alecsander: Pryd a Gwedd Dynion
50v
iddaỽ ymladgar a|huawdyl vydd [ A
vo kymhedraỽl y|lef o vraster a mein+
der kymen vydd a|racỽeledic a gỽiry+
on a|chyfyaỽn [ A|ddyỽetto yn ebrỽ+
ydd ac yn vein y lef anfenedic vydd
ac aghyflyryus angeuaỽc [ O byd
bỽr y lef yn·teu ỻydyaỽc vydd a|drỽc
y annyan. [ A vo ymadraỽdd melys
yn y benn kynhoruynnus vydd a|thy+
byus a|thegỽch y|ymadraỽdd a|dengys
ynuydrỽyd ac annosparth a|balchder [
dyỽetto drwy gyfroi y dỽylo kyng+
horuynnus a|huaỽdyl a|thwyỻwr a
dyỽetto heb gyfroi y dỽylaỽ per+
ffeith y|ddeaỻ ddwyolyaeth
gyngor mynygol hiruein
idaỽ son ac ynuyt [ A
iaỽn iddaỽ ynuyt
| « p 50r | p 51r » |