BL Additional MS. 19,709 – page 76r
Brut y Brenhinoedd
76r
ỽrth hynny kvynaỽ a oruc arthur agheu y vorỽyn
a gorchymun vdunt y adu ef e hun y ymlad ac
ef. ac o|r gỽely·nt aghen arnaỽ. dyuot yn vra+
vl y ganhorthỽyaỽ. ac odyna gorchymyn eu
meirych o|e gỽeisson. a|mynet a oruc arthur o|r bla+
en y parth a|r mynyd. ac yno yd oed yr antyg+
hetuenaỽl aghygyl anyanavl hvnnỽ a moch
coet gantaỽ a ran onadunt a lynkassei. a ran
araỻ ar vereu yn eu pobi vrth tan. ac yn|y ỻe
pan welas y gvyr yn deissyfit yn|y gyrchu.
bryssyaỽ a|oruc ynteu y gymryt y fon. yr hon
onyt o vreid ny|s drychafei deu vilỽr y vrth y
ỻavr. ac yna noethi cledyf a|wnaeth arthur. ac ys+
tynnu y taryan. a megys y gaỻvys gyntaf y gy ̷+
rchu a|e geissaỽ kyn kaffel y|fon. ac nyt oed le ̷+
sc ynteu neur daroed idaỽ kymryt y|fon a
tharav y brenhin o|e hoỻ ynni ar y taryan a
oruc hyt pan glywit sein y dyrnaỽt yn edrin ̷+
av ẏ* yr awyr a|r hoỻ draetheu yn ỻaỽn o|r son
a chlusteu arthur gỽed˄ẏẏ yr bylu a bydaru gan
dỽrỽf y dyrnaỽt. ac vrth hynny ennynu a oruc
arthur o vychraf irỻoned. ac ymdrychafel. ac yn|y
tal rodi dyrnaỽt idaỽ. a|chynny bei agheuaỽl;
eissoes y gvaet yn rydec ar hyt y ỽyneb a|e lyge+
it a bylỽys y drem. kanys y kavr a dodassei y fon
rvg y|tal a|r dyrnavt. a hynny a|e diffeith rac
dyrnavt agheuavl. ac vrth hynny ỻityogach
| « p 75v | p 76v » |