Bodorgan MS. – page 109
Llyfr Cyfnerth
109
hỽnnỽ kyfrannu tir ar mab a gahat yn llỽ+
yn ac ym perth kyn noc ef. Eil yỽ kymryt
o yscolheic wreic o rod kenedyl. A chaffel mab
o·honei. Ac odyna kymryt urdeu effeiradaeth
o|r yscolheic. A gỽedy hynny kaffel o|r effeirat
hỽnnỽ vab o|r wreic kynt. ny dyly y mab
kyntaf kyfrannu tir ar mab diwethaf. ka+
nys yn erbyn dedyf y kahat. Trydyd yỽ
mut. kany dyly tir nyt atteppo drostaỽ. ka+
ny rodir gỽlat y uut.
TRi dyn a gynnyd eu breint yn vn dyd.
tayaỽctref y kysseccrer eglỽys yndi
gan ganhat y brenhin. dyn o|r tref honno
a uei y bore yn tayaỽc. A uydei y nos honno
yn ỽr ryd. Eil yỽ dyn y rotho y brenhin idaỽ
vn o|r pedeir sỽyd ar hugeint breinhaỽl. kyn
rodi y sỽyd idaỽ yn tayaỽc. A gỽedy y rodi; yn
ỽr ryd. Trydyd yỽ yscolheic. y dyd y kaffo co+
run yn vab tayaỽc y bore. Ar nos honno yn ỽr
TRi gỽerth kyfreith beichogi [ ryd
gỽreic. Vn yỽ gỽaet kyn delwat o|r collir
trỽy greulonder. ỽyth a deu vgeint a tal.
Eil yỽ kyn mynet eneit yndaỽ o|r collir trỽy
greulonder. trayan y alanas a telir ymdanaỽ.
| « p 108 | p 110 » |