NLW MS. 24029 (Boston 5) – page 5
Llyfr Blegywryd
5
1
ẏ|brenhin pan eistedo ẏnn|ẏ gadeir. a|chẏ|ura+
2
sset a|e hirvẏs. A|thri ban ẏ erni. a|thri ẏde+
3
ni. kẏn|vrasset a|r wialen. A ffiol eur a ang+
4
ho llaỽn diaỽt ẏ|brenhin ẏndi. A|chlaỽr
5
eur arnei kẏulet ac ỽẏneb ẏ|brenhin.
6
kẏn deỽhet ẏ|ffiol a|r claỽr. ac ewin amaeth
7
amaethei seith mlẏned. neu blisgẏn ỽẏ
8
gỽẏd. Ẏnn|ẏ mod hỽnnỽ ẏ|telir sarhaet
9
brenhin a|uo eistedua arbennic ẏdaỽ meg+
10
ẏs dinefỽr dan vrenhin deuheubarth. neu
11
aberffraỽ dan vrenhin gỽẏned. Onnẏ b+
12
ẏd eistedua arbennic idaỽ; nẏ cheiff onẏt
13
gwarthec. BReint arglỽẏd dinefỽr ẏỽ;
14
caffel dros ẏ sarhaet gỽarthec gỽẏnẏ+
15
on clust·gochẏon. kẏmeint ac a anhont
16
ol ẏn ol. rỽg argoel a|llẏs dinefỽr. a|tha+
17
rỽ vn lliỽ ac ỽẏnt gẏt a|phob vgeint
18
onadunt. Nẏ thelir eur namẏn ẏ|vrenhin
19
dinefỽr. neu ẏ vrenhin a·berffraỽ. O tri
20
mod ẏ sarheir ẏ vrenhines; pan torrer ẏ
21
naỽd. neu pan traỽher trỽẏ|lit. neu pan
22
tẏnher peth gan treis o|e llaỽ. Traẏan
23
guerth sarhaet brenhin a|telir ẏ|r vren+
« p 4 | p 6 » |