BL Cotton Titus MS. D IX – page 12r
Llyfr Blegywryd
12r
na varnno cam ynn|y vyỽyt. TRi pheth
a|berthynn vrth vraỽdỽr. vn yỽ; dilỽg* ky+
varcheu vrth reit y|brenhin. Eil yỽ. dat+
canu. a|dosparth kynnhenneu y|myỽn llys.
Trydyd yỽ; yr hynn a|dospartho trỽy va ̷+
rnn. y|gatarnnhav trỽy wystyl. a|braỽtly+
uyr. ot|ym·ỽystlir ac ef. neu os gouynn y
brenhin idaỽ heb ym·ỽystlaỽ. O|R deruyd
rodi braỽt y dyn. ac amheu y|vraỽt o|r|neb
y barnnỽyt idaỽ. mal y|bo dir y|r neb a|e|bar+
naỽd. y deturyt. a|bot llaỽer o|ygneit vr ̷+
th hynny. a bot amrosson pỽy a|dylyho
y|deturyt. ae paub ohonunt. ae vn. kyf+
ureith a|dyỽeit. o|r byd ygnat llys vrth
y|varnn. ef a|dyly y|deturyt. Onny byd hỽ ̷ ̷+
nnỽ. a|bot ygnat kymhỽt. hỽnnỽ bieu y
deturyt. Onny byd hỽnnỽ yr ygnat a|e da+
tkannaỽd gynt. a|e deturyt yna o|gyfre ̷ ̷+
ith. Sef achaus yỽ hynny. rac annvnaỽ
o|r ygneit. ac am dyỽedut o|gyureith y ̷ ̷
mae naỽuet dyn a|gredir y|tystolyaeth
e|hun. yỽ braỽdỽr am|y vraỽt rỽg dỽybl+
eit o|r byd amryssonn yrydunt. Ny ellir
heuyt ymỽystlaỽ a|neb am varn onnyt
a|r|neb a|e|datkannaỽd. kannys guedy da+
tkann barn y|mae rodi gỽystyl yn|y erbyn.
| « p 11v | p 12v » |