BL Cotton Titus MS. D IX – page 36r
Llyfr Blegywryd
36r
all. o|iaunder nyt ymchỽel dracheuen.
a|chyssỽynvab gỽedy gỽatter o genedyl
y tat yn gyureithaỽl. TRi achaỽs y go+
ssottet kyureith; kyntaf|yỽ; y|geissaỽ
dysc rac gỽneuthur a·gkyureith. Eil
yỽ; yr gỽaret a·gkyureith o|r darffei y
gỽneuthur. Trydyd yỽ; yr cospi y|neb
a|wnelhei a·gkyureith trỽy dirỽy. a|ch ̷+
amlỽrỽ. a|r kyfuryỽ a|dylyei.
T Ri hỽrd ny diwygir vn yỽ; hỽrd
gỽr ac araf ynn|y elyn am|y|gar
gỽedy as|gouynno yn|tri dadlev.
a|heb gaffel iaun. kyt as lladho ny|s di+
ỽc. Eil yỽ; hỽrd gỽreic wryaỽc ynn|y
chywyres a|e dỽylaỽ yny gyfuarffỽynt.
kyt bo marỽ ny diwygir. Trydyd yỽ;
o rodir tỽylluorỽynn y|ỽr; a gỽedy ph ̷+
roui y|chaffel yn tỽylluorỽyn. a mach
ar|y|morỽyndaỽt. kyt as gỽanho a|e
laỽ. neu a|e|troet. dros y gỽely. ac na|s
lladho ny|s diỽc. Yr hỽrd heuyt a|wan+
ho a|bonllost yn*|diwygir idi. llather ha+
gen y|chrys yn gyuuch a|thal y|phedre+
in dracheuen. a|r tu rocdi yn gyuuch a ̷
gỽar y|chont. a|e gollỽg a|r hỽrd hỽnnỽ
yndi heb y|diuỽyn idi. a|hynny yỽ kyfreith.
| « p 35v | p 36v » |