BL Cotton Titus MS. D IX – page 63r
Llyfr Blegywryd
63r
ryf o|naỽ ryỽant ar|ỽyr. o|galan gayaf
hyt galan mei a|telir. Messur daỽn·dabỽyt
yỽ baccỽn tri byssyc ynn|y hysgyỽydeu. ac
ynn|y heis. ac ynn|y chlunyeu. neu hỽch
teir blỽyd vehineit. ac nyt oes vessur ar
y mehin. neu lestreit emenyn o|teir dyrn+
ved llet. a|their dyfnet. Kic ych a|telir
dros daỽn y|gayf*. Ny|thelir dros daỽnn+
bỽyt y|gwannhỽyn namyn aryant.
Onny ellir eu caffel. deudec keinnaỽc a|telir
dros pob vn ohonunt. ac vgein yscup o|ge+
irch vn rỽym. a|deudec thorth o|vara bich+
ein peilleit. ac onny byd gỽenith yno;
bara rynnyon vydant y|dỽy. a|chossynn
ygyt a|phob daỽn·bỽyit. a|wnnelher o
holl laeth y|neb a|e|talho. y|bore. ac echỽyd.
a|breuan emenyn. kynn|teỽet a|motued.
a chyulet a|r|dysgyl lettaf ynn|y|ty. Keinna+
ỽc a|telir y|r sỽydogyon gyt a|phob daỽnn*
y|gayaf a|r|gỽannhỽyn. Yr haf os yn|aryant
y|telir. deunaỽ vyd y|tal. a|cheinnaỽc y|sỽy+
dogyon. Sef yỽ y|rei hynny y daeretỽyr a|e|kynullo.
>Mal hynn yd|ymlycceir dadyl
E R|Haỽlỽr yn gynntaf [ am|tir.
bieu dangos y|haỽl. a|gỽedy hyn+
ny yr amdiffynnỽr y amdiffynn.
| « p 62v | p 63v » |