Cardiff MS. 1.363 (Hafod 2) – page 54r
Brut y Brenhinoedd
54r
tanyeyt o tew ỽydyn yn eỽ kywar·ssanghỽ
Ac gwedy eỽ bot plyth tra phlyth yn deỽ·dy+
plygỽ dyrnodeỽ. y damweyn ar rodes fford
y nynnyaỽ y kaffael ymwryaw ar ameraỽd+
yr. Ac ỽrth hynny kan dyrỽaỽr o lewynyd
y kyrchỽ a wnaeth nynnyaỽ kanys mwy no
llawen oed ganthaỽ kaffael rody ỽn dyrna+
ỽt yr ryw wr hỽnnỽ. Ac ygyt ac y gweles Wl+
kessar ef yn y kyrchỽ y taryan yn kyflym a
dyrcheỽys yn erbyn y dyrnaỽt. ac yn ỽeynt
y gadỽs y nerthoed ydaỽ ef a ossodes a|e cledyf
ar nynnyaỽ ar y penffestyn. Ac yn y|lle dyrch+
aỽael y cledyf a orỽc a|cheyssyaỽ yr eyl dyrn+
aỽt yn ol e kyntaf hyt pan alley rody aghe+
ỽaỽl dyrnaỽt ydaỽ. A megys y gwyl nynny+
aỽ hynny ef a dodes y taryan yn erbyn y dyr+
naỽt. Ac|yna eyssyoes y trygỽs cledyf Wlke+
ssar ym penn nynnyaỽ. ac ny allvs ef kaffael
tynnỽ y cledyf rac kaletet y ỽrwydyr kan
y bydynoed yn ymkymyscỽ ac yn newydyaỽ
agheỽolyon dyrnodev. Ac vrth hynny nynn+
yaỽ a kymyrth cledyf Wlkessar ac a wuryỽs
y cledyf e|hỽn y ỽrthaỽ. a a* chledyf yr ameraỽdyr
| « p 53v | p 54v » |