Cardiff MS. 1.363 (Hafod 2) – page 97v
Brut y Brenhinoedd
97v
1
nosketh* a thegvch a bonhed. Ac gwedy edrych
2
ohonaỽ ar pavb o·nadvnt govyn a orỽc pa wlat
3
ed hannoedynt ohoney. a pha achavs e dothoe+
4
dynt o|y wlat enteỽ. Ac ena em mlaen pavb y gỽr+
5
thebvs heyngyst ydaỽ en e wed honn. kanys ra+
6
gor oed ydav o advedrwyd a doethynep rac pa+
7
vb o|e kytemdeythyon. Arglwyd ep ef bonhedyk+
8
af o|r brenhyned en saxonya vn o vrenhynnathev
9
germanya yn ganet ny. achaỽs en dyvodyat ny+
10
nhev y|th kyvoeth tytheỽ hynn yw y kynnyc y ty
11
nev entev y tewyssaỽc arall ar rodo da a geffy ymdey+
12
th yn tros en gwassanaeth en gvrygaeth. Ac esef
13
achavs en gvrthladvt oc en gwlat kynnevavt esyd
14
en e wlat honno pan amlhao e kywdavt endy
15
ed emkynnwllant y gyt holl tewyssogyon e ỽr+
16
enhynyaeth ac e kynnvllyr rac eỽ bron holl yev+
17
enctyt e|wlat. ac o·dyna ed etholant er re* a wel+
18
ont en orev ac er rodant prennev vdvnt. ac meg+
19
ys e del o|r koelpren vdvnt ed erchyr vdvnt mynet
20
y wladoed ereyll y keyssyav gossymdeyth. ac evelly
21
er rydheyr eỽ gwlat wynteỽ e|hvneyn y gan ormod
22
kywdaỽt. Ac en e dyw ed hwn e bw ormod o am+
| « p 97r | p 98r » |