BL Harley MS. 4353 – page 36v
Llyfr Cyfnerth
36v
yn| y diewed hynny. Ny dyly neb kymryt
mab yn vach heb ganhat y tat tra dylyho
bot drostaỽ. na mynach na braỽt heb gan ̷+
hat eu habat. nac alltut kanyt geir y eir
ar gymro. nac yscolheic yscol heb ganhat
y athro. na gỽreic. onyt ar yr hyn y medho
arnaỽ. y rei hynny nyt mechni eu mech ̷+
ni onyt gan ganhat eu harglỽydi. O|r byd
marỽ mach dyn. Ac adaỽ mab o·honaỽ.
y mab a dyly seuyll yn lle y tat yn| y vechni.
Ny dyly neb gymryt mach kynnogyn
kanys deu ardelỽ ynt. Ac na dyly neb onyt
dewis y ardelỽ. Os kynnogyn a dewis;
nyt oes vach. Os mach a dewis; nyt oes
gynnogyn. Ac ỽrth hynny ny eill neb
seuyll yn vach ac yn gynnogyn. Arglỽyd
a| uyd mach ar pop da adefedic diuach. O|r
canhatta y kynnogyn y|r mach rodi kywer ̷+
thyd punt yg gỽystyl keinhaỽc. A chyn oet
y gỽystyl; y golli. ny dyly y kynnogyn trach ̷+
efyn namyn dimei. kanys hynny yỽ tra ̷+
yan keinhaỽc kyfreith. Ac ynteu e| hunan
a| lygrỽys breint y ỽystyl. O|r dyry mach
peth maỽr yg gỽystyl peth bychan. yr ha ̷+
ỽlỽr a dyly y gymryt. A chyn coller kyn yr
| « p 36r | p 37r » |