BL Harley MS. 958 – page 33v
Llyfr Blegywryd
33v
ẏ gudẏaỽ camlẏrẏus uẏd. eithẏr o|r mod rac+
dẏwededic. Gỽerth hẏd. ẏỽ ẏch. Ewic buch te+
lediỽ a|tal. Gỽerth croen hyd. deudec keinaỽc
Croen ewic ỽẏth geinaỽc a|tal. Gwerth hẏd dof
ẏ brenhin punt. Gwerth pop ỻetuegin bren+
hin neu vrenhines punt. Gwerth ỻetuegin
breẏr neu ẏ wreic. neu ẏ verch hweugeint.
Gwerth ỻetuegin taẏaỽc. keinhaỽc cotta. O
bẏd helẏ geỻgỽn ẏ vreẏr. aroet ef ẏnẏ oỻẏg+
ho kẏnẏdẏon ẏ brenhin eu kỽn teir gweith
ẏ bore. Ac o·dẏna goỻẏghet ẏnteu ẏ gỽn ẏn
rẏd. A phe|le|bẏnhac ẏ ỻather ẏ garỽ. rodet
hwarthaỽr tir o·honaỽ. Py ffordaỽl bẏnhac
a vratho bỽẏstuil gwẏỻt ẏ ar ẏ fford ẏn forest
brenhin. erlitẏet ef tra|e gwelho. ac os gordi+
wed kẏmeret. Ac o|r dieinc dan ẏ olỽc. nac er+
litẏet. Pẏ|uỽẏstuil bẏnhac a gaffo dẏn ẏn
varỽ ar|tir dẏn araỻ. o|r bẏd hẏẏs ẏ kic. perch+
en ẏ tir bẏeiuẏd. a|r neb a|e kaffo a geiff ẏ
hwarthaỽr blaen os hỽch coet uẏd. Os ỻỽd+
ẏn araỻ ẏ hwarthaỽr ol a geiff. Os bỽystuil
nẏt ẏsser a geheir ueỻy. perchen ẏ tir a dẏrẏ
keinhaỽc drostaỽ ẏ|r neb a|e caffo. Y ỻe ẏ
gossotter cỽn ẏ erhẏl ẏ kẏntaf ohonunt
a gẏmerho iỽrch neu gadno. neu ẏskẏfar+
| « p 33r | p 34r » |