Oxford Jesus College MS. 119 (The Book of the Anchorite of Llanddewi Brefi) – page 89v
Ymborth yr Enaid
89v
yỽ|y|gỽrthyeu. Messias ~ Sother ~ emanuel ~
tetragraniton ~ Sabaoth ~ Adonay ~ Alpha ~
et Omega ~ agyos ~ amen ~ Alleluia ~ a|thrỽy dygyn+
lut serchaỽl alỽ ar|y|sercholyon enỽeu hynny
ymdyro etỽa a|vo mỽy y|garueidserch y|nefaỽl
vab hyt yny glyỽych yn dy|gylch adỽynber aro+
gleu ystor yn kyfuleỽni holl synnỽyr dy|ffroennev
a|th|holl eneit o|digrifuỽch y|safỽyr hỽnnỽ. Ac y+
na gỽybyd ry|dyuot yr|ysprydaỽl anadyl ef at+
tat ti yny wyppych y|vot ef yn gorfforaỽl ygyt
a|thi kynn ny|s gỽelych. Ac yna dygynlut alỽ
ar yr enỽeu o|gỽbyl ewyllys yny syrthyo arnat
vynych berlewycuaeu yn dissymỽth hyt na myn+
nut da y byt oll hebdunt. Ac yna ony elly amgen
rac rỽyserchaỽl garyat alỽ ar|yr enỽeu oll. ga+
lỽ byth ar|yr enỽ bendigedic hỽnn. Yessu ~ vn mab
meir wyry ~ Ac yna o|chlyỽy y|ryỽ gannveu di+
grifyon per araflef. gỽybyd y|mae y|engylyonn
ef a|e kanant. Ac o gỽely y|ryỽ ganneitwenn
ỽybrenn yn deissyuyt yn kyfleỽni dy holl olỽc.
atholl galonn o|adỽynserch tragyỽydolder byỽyt
yn uwch yn|disgleiraỽ megys lluchaden gỽy+
byd y|mae ef e|hun yn|ysprydaỽl oruoledus gnaỽt+
older ysyd yno. Ac yna dygynlut alỽ byth ~ y|iessu ~
vn mab meir wyry ~ yny|syrthyo arnat pervarỽ+
| « p 89r | p 90r » |