NLW MS. Llanstephan 27 (The Red Book of Talgarth) – page 102v
Y Groglith
102v
1
idaỽ y gan yr athro. y mae vy amser i yn agos y·gyt a|thi y
2
gỽnaf|i a|m disgyblon vym pasc. a megys yd erchis iessu ud+
4
unt y gỽnaeth y disgyblon. a pharattoi y pasc a|orugant.
5
ac am|bryt gosper kyfeisted a|oruc iessu gyt a|e deudec ebystyl.
6
ac ual yd oedynt yn bỽyta y dywaỽt ef. Mi a dywedaf yỽch yn
7
ỻe gỽir panyỽ vn ohonaỽch a|m ryd i. ac yna y trista·yssant ỽy.
8
ac y gouynnaỽd paỽp o·nadunt. ae myui. ae minneu. Y neb ys+
9
syd yn rodi y laỽ yn|y dysgyl y·gyt a mi hỽnnỽ a|m ryd mab
10
dyn ual yd ysgriuennỽyt ohonaỽ. ac eissyoes gỽae ef hỽn+
11
nỽ. yr|hỽnn y rodir mab dyn trỽydaỽ. da vuassei idaỽ na
12
enit. Ac yna y gouynnaỽd Judas ae my·ui a|th ryd di. ~
13
Hynny a dywedeist heb ynteu. ac ual yd oed·ynt yn bỽyta
14
y kymerth iessu y bara. a|e vendigaỽ a|e dorri. a|e rodi y
15
disgyblon. a dywedut ỽrthunt. kymerỽch. a|bỽyteỽch. hỽnn yỽ
16
vyng|corff|i. a chymryt y karegyl a|e rodi udunt a|dywedut
17
Y·vet baỽp ohonaỽch o hỽnn. kanys hỽnn yỽ vyng|gỽaet i
18
yn|y dỽydedyf a oỻyngir dros uadeueint y lawer oc eu pech+
19
odeu. Mi a dywedaf y·ỽch beỻach nat yfaf|i o|r kyfryỽ win
20
hỽnn hyt y dyd y bỽyf y·gyt a|chỽi yn yfet yn|teyrnas vyn
21
tat. A gỽedy daruot eu hemyn udunt yd aethant y vynyd
22
oliuet. ac yna y dywaỽt iessu ỽrthunt. Paỽb o·honaỽch a
23
diodef teruysc o|m achaỽs i heno. kanys ysgriuennedic yỽ.
24
Mi a|drawaf y bugeil. ac odyna y gỽasgarant y deueit o|r
25
kadỽ. ac eissyoes gỽedy kyuottỽyf|i. mi a|ỽch rac·ulaenaf yng
26
galilea. Ac yna yd attebaỽd pedyr idaỽ. kyt ymwahano paỽp
27
a thydi nyt ymwahaf*|i vyth. Mi a|dywedaf ytt yn wir heb+
28
yr|iessu. kynn kanu heno o|r keilyaỽc yd ymwedy deirgỽeith
29
a mi.
| « p 102r | p 103r » |