NLW MS. Llanstephan 27 (The Red Book of Talgarth) – page 88r
Mabinogi Iesu Grist
88r
wyr y demyl y anghenogyon y rannei. yn vynych y gỽelit yr
englyon* yn ymdidan a|hi. ac yn kyt·ymadraỽd a|hi yn ga+
rueid. Pỽy bynnac o|r dynyon cleifyon y dodei hi y ỻaỽ ar+
naỽ. iach vydei. Ac yna y kynnigyaỽd abizachar offeiryat.
rodyon amyl y escob y demyl yr y rodi hi yn wreic y uab ef.
Meir a|dywaỽt yna. Ny dichaỽn hynny vot. na chymryt o+
honaf|i wr. na gỽr uinneu. Ac yna y dywaỽt y gỽr pennaf
o·nadunt. Duỽ heb ef a|diwyỻir yn|y meibyon. ac yn yr e+
tiuedyon a|anrydedir ual y bu eiryoet yn|yr israel. Ac yna
y dywaỽt meir ỽrthunt ỽy. Yn niweirdeb gyntaf y molir duỽ
ac yd enrydedir. kanys kynn abel ny bu wyry neb. a|e offrỽm
ef a rangaỽd bod y duỽ. yr hỽnn ny rangaỽd bod y duỽ a|e
ỻadaỽd. Dỽy goron hagen a|gafas abel. vn dros y wyrdaỽt.
ac arall dros y aberth. kanny adaỽd ef lygredigaeth yn|y
gnaỽt. ac ueỻy y kafas elẏ o achaỽs cadỽ y gnaỽt yn wy+
ry. a hynny a dysgeis inneu yn|y demyl o|m mabolaeth. ac
na|chymerỽn wr vyth. a phan doeth y bedwared vlỽydyn o|e
hoet. y dywaỽt gỽyr y demyl. O|defaỽt ny eỻy di herwyd gỽ+
reigyaỽl deuaỽt wediaỽ yn|y demyl. Ac yna y kaffat ynghyng+
or peri o|r hoỻ dinessyd. a ỻỽytheu yr israel y trydyd dyd o
hỽnnỽ bot paỽp trỽy dyvyn yn|y demyl. a gỽedy dyuot yr
hoỻ bobloed y kyuodes Jzachar y vyny y|r gradeu uchaf
ual y gaỻei baỽp y welet a|e glybot. a gostec a rodet idaỽ. ~
Meibyon yr israel heb ef. gỽarandeỽch vyng|geiryeu i yn
da. Yr pan a·deilyaỽd selyf y demyl honn. y buant merchet
y brenhined a|r proffỽydi a|r offeireit yn gỽediaỽ yndi. a
phan|doeth eu hoet deduaỽl ỽynt a gymerassant wyr. a herỽ+
yd
| « p 87v | p 88v » |