NLW MS. Llanstephan 4 – page 23v
Bwystoriau
23v
ac a|blufyant a|e gyluineu kỽbyl o|r hoỻ
bluf y|ar y rei hen. Ac yna ef a|orwed deu
o|r rei Jeueingk ygyt ac vn o|r rei hen y gyn+
nal gỽres yndaỽ. a deu ereiỻ a|ant y gynnuỻ
ymborth udunt. ac ueỻy y magant ỽy eu
mam ac eu tat yny vo pluf newyd ar+
nunt. a|e goỻỽng y ehedec yn iach ieueingk.
Veỻy arglỽydes kyn gywiret vydaf inneu
y ttitheu ac y mae natur yr adar vry os|tydi
a vynn vy meithrin i yn|gyntaf yny vỽyf
was cryf a|m kynghori. Sef yỽ
hynny vyng|gadel attat a|m|kynnal y+
gyt a|thi megys gwir gedymdeith ytt.
a gỽybyd di yn ỻe gwir nat oes dim
o|r a|dylyo gỽr serchaỽl y wneuthur
ny|s gỽnelỽyf|i yrot ti. a|thydi a wdost
hynny. Eissyoes nyt kyn hoffet ti
magyat da ymi ac ytt dy hun. ac
ef a welir ytti heuyt na heydeis i gaf+
fel dy garyat ti yr|roi ohonaf|inneu y
meu ytt. kanys balchder yỽ gennyt
vy mot mor drahaus a hynny. a phany
bei dy valchder di ny bydỽn i yn gyn ̷
wannet ac yn gyndrỽc vy stat ac yd
ỽyf. Ac am hynny y dywaỽt Oindinus
na|dichaỽn bot yn vn eistedua balchder
| « p 23r | p 24r » |