NLW MS. 3036 (Mostyn 117) – page 60
Brut y Brenhinoedd
60
ieirll a barỽneit a marchogyon urdaỽl. Sef y kaỽssant
yn eu kyghor kyrchu vlkessar yn| y pebylleu kyn kaf+
fel o·honaỽ dyuot y|r wlat. Can tebygynt bot yn an+
haỽs y ỽrthlad guedy y kaffei ae dinassoed ae kestyll.
A guedy llunyaethu eu bydinoed. kyrchu guyr rufe+
in yn eu pebylleu yn diannot. Ac yna y bu kyn ga+
letet y urỽydyr. yny oed y| tyweirch yn redec o|r gỽaet
mal pei delhei deheuwynt yn deissyuyt y todi eira a
reỽ. Ac ual yd oedynt yn yr ymfust hỽnnỽ; y kyfar+
uu y vydin yd oed nynnyaỽ vab beli braỽt kaswall+
aỽn. ac auarỽy mab llud yn| y llywyaỽ. A bydin vlke+
ssar. A llinyaru bydin yr amheraỽdyr. Ac ar hynny
yd ymgyfaruu nynhyaỽ ac vlkessar. A diruaỽr le+
wenyd a gymyrth nynhyaỽ yndaỽ. Am damwein+
aỽ idaỽ ymgyfaruot a gỽr kyfurd a hỽnnỽ. Ac yn
diannot y gyrchu. A phan weles vlkessar nynhy+
aỽ a chledyf noeth. troi y taryan yn ỽychyr gyflym
a oruc ac erbynyeit y dyrnaỽt arnei. A megys y| ga+
dỽys y nerthoed idaỽ gossot a wnaeth ynteu a chle+
dyf ar nynhyaỽ ar vchaf yr helym a|r penffestyn.
A cheissaỽ yr eil yn gyflym mal y bei agheuaỽl.
A phan welas nynhyaỽ hynny. erbynyeit y dyr+
naỽt a oruc yn| y taryan. A chymeint uu y dyrna+
ỽt. Ac yny lynỽys y cledyf yn| y taryan. A rac ruth+
yr y bydinoed yn teỽhau am eu pen y bu reit y|r
amheraỽdyr adaỽ y gledyf gan nynhyaỽ heb y ga+
ffel o|r taryan. A guedy caffel o nynhyaỽ y cledyf
| « p 59 | p 61 » |