NLW MS. 3036 (Mostyn 117) – page 80
Brut y Brenhinoedd
80
Ac yn darystygedigaeth udunt. Ac ar vyrder ny
bu yn ynys prydein vrenhin well a|enrydedei
dylyedogyon y teyrnas no get coel. nac a|e katwei
yn|tagnefedussach. Ac vn mab a anet y goel. Sef
oed y enỽ lles. A guedy marỽ koel; y doeth lles
y uab yn vrenhin. A holl weithredoed da y tat a|er+
lynỽys ac a wnaeth yn gymeint ac y tebygit y|m+
ae oed koel e|hun. A medylyaỽ a oruc hyt y
gallei bot yn well y diwed no|e dechreu. Ac anuon
a oruc hyt ar eleuterius pap y erchi idaỽ anuon
attaỽ guyr ffydlaỽn a|pregethei cristonogaeth
idaỽ a chret a bedyd. kanys y|guyrtheu a|r|wnath+
oed yr ebestyl yn pregethu ar hyt y byt a|r daroed
kyffroi a goleuhau y|gallon ef a|e vedỽl parth a|duỽ
Ac ỽrth hynny yd oed ynteu yn damunaỽ gỽir
ffyd o|dihewyt y vryt. Ac ynteu a|e kauas. A gue+
dy guelet o|r pap hỽnnỽ y grefydus damunet
ef. Sef yd anuones attaỽ deu ỽr grefydus fydla+
ỽn dyscotron a seiledic yn|y lan gatholic ffyd. y
pregethu idaỽ ac y|ỽ pobyl dyuotedigaeth yr ar+
glỽyd iessu grist yg cnaỽt. Ac eu golchedigaeth
ỽynteu trỽy lan ffynhaỽn vedyd. Sef guyr oed
y rei hynny; dỽywan. a|ffagan. A guedy dyuot
y guyrda hynny hyt yn ynys prydein. A phrege+
thu y les vab coel. A|e uedydyaỽ. Ac ymchoelut
ar grist o|e holl gallon. dechreu a oruc y pobyl yn|y
lle redec attadunt ac o dysc ac o agreiff eu bren+
| « p 79 | p 81 » |