NLW MS. Peniarth 11 – page 184r

Gỽir yỽ hynny heb ynteu. Myui yỽ y marchaỽc urdaỽl cachyat.

a|r hỽnn y kyuaruuost di ac ef yn|y fforest yn|y ỻe y goruuost di ar

y|marchaỽc a|oed yn|deu hanner y daryan. y neiỻ hanner yn wynn

a|r ỻaỻ yn|du. a|marchaỽc urdaỽl ỽyf|inneu y vorynyon y gadeir

ac yr duỽ yd archaf ytti na|wnelych ym chweith drỽc. kanys y mar+

chaỽc yssyd yna o|th vlaen di a|wnaeth kymeint o ovyn ym ac na

thebygassỽn vy myỽ. Nyt reit ytti vn ovyn heb·y gỽalchmei

ragof|i. kanys mi a|garaf dy arglỽydes di yn vaỽr. Mi a vynnỽn

dywedut o baỽp veỻy heb y|marchaỽc cachyat. kanys nyt oes

arnaf|i ovyn am neb dieithyr am·danaf vy hun. ~  

G walchmei yna a|gerdaỽd ar|hyt y fforest. ac edrych a|oruc

ef y vyny tu a|phennryn tywynnaỽc. ac arganuot mar+

chaỽc yn aruaỽc ar geuyn march maỽr. a|tharyan eureit idaỽ

a chroes goch yndi. A|vnben heb·y gỽalchmei ỽrthaỽ. a wdost di dyỽ+

edut dim y|ỽrth varchaỽc urdaỽl yd ỽyf|i yn|y geissyaỽ. a tharyan

idaỽ o aryant ac assur a|chroes goch yndi. Gỽnn yn dilis heb yn+

teu. Keis ef myỽn kynnuỻeitua o varchogyon urdolyon a vyd

ar benn y decuet dyd a deugeint y keffy di ef heb ffaelyaỽ. ỻawen

vu gan walchmei hynny. a|marchogaeth a|oruc ymeit*. A|r march+

aỽc ynteu a|aeth y|r mor gyntaf ac y gaỻaỽd. Ny weles gỽalchmei

eissyoes dim o|r ysgraff. kanys yd oed y·dan greic yn|y ymyl gỽedy

y hangori. Gỽalchmei a|varchockaaỽd tu a|r|ỻannerch goch yn|y

ỻe y|dylyei y gynnuỻeitua vot. ac yn|hoff ganthaỽ pei gỽelei y

dyd hỽnnỽ wedy dyuot. a marchogaeth a|oruc ef yny dynessaaỽd

att gasteỻ. Ac yna ef a|gyuaruu ac ef morwyn ieuanc yn dỽyn

corff gỽr marỽ yr|hỽnn a|oed myỽn elor veirch genthi. gỽalchm+

ei a|doeth yn|y herbyn ac a|gyuarchaỽd gỽeỻ idi. a hitheu a|e|ha*+

baỽd ef