NLW MS. Peniarth 11 – page 228r
Ystoriau Saint Greal
228r
wreic bioed y ty a|doeth hyt geyr bronn laỽnslot. Ac a|dyw+
aỽt ỽrthaỽ dan y adnabot. laỽnslot heb hi ti a|ledeist tat y
mab hỽnn. ac os da gan|duỽ efo neu araỻ a|dieyl arnat ti hyn+
ny etto. Tewi a|wnaeth laỽnslot ỽrthi hi yr hynny. a mynet
ymeith a|wnaethant ỽy odyno. a|gỽalchmei a vu lawen ỽrth
veliot. Arglỽyd heb·y meliot yr|ỽyf|i yn|dyuot yng|kỽyn at+
tat ti rac nabigaỽns o|r greic. yr hỽnn yssyd gỽedy vyn di+
dref·tadu i. ac a|dyngaỽd nac yrot ti nac yr neb ac yssyd vyỽ
na|s kaffaf|i vyth drachevyn. Ac ony deuy di yr aỽr·honn y·gyt
a mi nys|kaffaf i vyth. Je|heb·y gỽalchmei myui a|af yn ỻaỽen
gyt a|thydi drỽy gennat arthur. a|mi a|deuaf dra|m kevyn yn gyn+
taf ac y gaỻwyf. Arthur a laỽnslot a gerdassant gyntaf ac y
gaỻassant ỽynteu parth a|thir brenhin peleur. a|gỽalchmei
a|uarchocaaỽd yny doeth y tir nabigaỽns. Yna meliot a an+
uones kennat attaỽ. y|dywedut idaỽ vot gỽalchmei gỽedy
dyuot a|e vot yn baraỽt y gynnal dylyet meliot o|e|blegyt
ef kanys gỽr idaỽ ydiỽ. Nabigaỽns yna a|oed iach o|r dyrnaỽt
a gaỽssoedyat yn|y tỽrneimant. ac ny bu uaỽr iaỽn ganthaỽ
ef walchmei o achaỽs y cachatrỽyd a|r|ỻyuyrder a|welsei arnaỽ
yn|y tỽrneimant. Ac yna erchi a|oruc ef o|e|varchogyon urdoly+
on nat ymyrrynt y·ryngthunt. kanys petvei chwech mar+
chaỽc o|e gyfryỽ wyr ef. ef a|orvydei arnunt herỽyd a debygei.
Ac|ar|hynny y doeth ef aỻan yn aruaỽc. Gwalchmei a|e gỽeles
ac a|e|harhoes. a nabigaỽns a|e|kyrchaỽd heb dywedut vn geir
ỽrthaỽ. ac a|e trewis yn|tewdỽr y daryan yny vyd y gỽaeỽ yn
dryỻeu yỽch y benn. a gỽalchmei a|e hamkanaỽd ynteu. ac
| « p 227v | p 228v » |