NLW MS. Peniarth 11 – page 279r
Ystoriau Saint Greal
279r
drỽy amot dy garyat ti y minneu yn gyn|gỽplet ac y|bu
o|r blaen. Arglỽyd heb·y|laỽnslot dy emendyat ti a|th garyat
yssyd hoffach gennyf|i y gaffael noc vn neb. ac os da|gan
duỽ yr dim o|r a|wnaethost di ymi ny wnaf|i chweith drỽc y
ti. kanys ef a|wyr paỽb na|bum i yng|carchar nac yr tỽyỻ
nac yr brat o|r a|wneuthum y|th gyueir. namyn o achaỽs
y vot yn|da gennyt ti. a|hynny ny eỻir y liwaỽ y mi vyth. a
thitheu yssyd arglỽyd arnaf|i. ac o|r|gỽney di y mi chweith
drỽc y gogan yssyd deu ditheu. ac yr|dim o|r a|wnaethost|di
ymi. vy nerth i ny ffaelya ytti vyth. a mi a rof vyng|corff
yn anturyeu ym pob ỻe drossot. megys y rodeis lawer gỽeith ~ ~
L lewenyd maỽr a|vu yn|y ỻys gan lawer dyn pan wy+
buant goỻỽng laỽnslot o|r carchar. Briant hagen
a|r rei eidyaỽ nyt oedynt ỽy lawen. Arthur yna a beris
ardymheru laỽnslot o|enneint a|diỻat. ac a erchis y baỽp
vot yn|baraỽt ỽrth y ewyỻys ef. ac ueỻy y buant yny oed
garedigach laỽnslot yn|y ỻys no neb. A diwarnaỽt ef a|doeth
briant att arthur ac a|dywaỽt. arglỽyd heb ef ỻyma la+
ỽnslot y gỽr a|m|syrhaaỽd i yn dy|wassanaeth di. ac ny|m
taỽr i wybot ohonaỽ vy mot yn elyn idaỽ. Briant heb·yr
arthur o heydyeist di gael sarhaet o|r blaen ti a|dylyut vot
yn digaỽn gennyt hynny. a|chanys da gennyt ti vot yn elyn
ymi. ny aỻaf|inneu arnaf vot yn|gedymdeith y titheu. Ar+
glỽyd heb·y briant ỽrth arthur. tydi yssyd arglỽyd arnaf|i. a
| « p 278v | p 279v » |