NLW MS. Peniarth 14, pp.101-90 – page 182
Peredur
182
mam hep y|peredur pa|beth yw y|rei rackaw eng+
ylyon vy map hep hi. Minheu a af yn engyl ygyt
ac wyntw. A|dyuot a|oruc peredur yr fford. A|gou+
yn a oruc idaw a|weleisti uarchawc yn kerdet y|ff+
ord honn. Ni|wnn i hep y|peredur beth yw march+
awc y|ryw beth wyf|i hep y|gwalchmei. pei dyw+
etut ti ymi yr hynn a|ouynnaf yt minheu a|dyw+
edwn yt yr hynn a|ouynny ditheu. dywedaf hep
ynteu. beth yw hwnn hep y|peredur wrth y|kyf+
rwy. kyfrwy hep y|gwalchmei. a|gouyn a oruc pe+
redur henw pob peth ac a ellit ac ef. a|gwalch+
mei a|e mynegis idaw. dos ragot hep y|peredur
Mi a|weleis y|ryw dyn a|ofuynny. a|minheu a af y|th
ol di yn uarchawc Dyuot a|oruc peredur ynyd
oed y|uam. uy|mam hep ef nyt engylyon oed y rei
gynneu namynn marchogyon Ac yna y|llew+
ygawd y|uam. Ac yna yd aeth peredur yn ydoed
keffyleu. . a|gywedei gynnut. ac a|gywedei
bwyt a|llynn udunt o|r kyuanned yr diffeith. ar
keffyl kryfuaf a|weles a|gymyrth. Ac yn lle|kyf+
rwy y|rodes pan ec ac owdyn anwaredut yr
hynn a welsei gwalchmei a|dyuot yn ydoed
y|uam yna a datlewygu y|uam yna Je arglwyd
hep hi a|e kychwyn a uyn di. Je hep ynteu. aro
y gennyf|i eirieu kynghor yt. dywet ar urys
hep ynteu a|mi a|e harhoaf Dos ragot hep
hi lys arthur. yno y mae goreu y|gwyr a dewraf
| « p 181 | p 183 » |