NLW MS. Peniarth 15 – page 81

y hynny Y rei da y|mae issywedic* a|rei drwc yn|y gostwng a|heint a|dolvr yn|y go+

fudyaw. Magister. Y|rei drwc ẏ|bẏd amylder o|achos yr etholedẏgẏon. megys y|tremyckont

yr hynn a|welont y|rei gwaethaf yn blodevaw onadvnt yndaw Yn|gynntaf kẏ+

voethawc vyddant megẏs y|gallont o|gyfvẏawn varnn dvw gwrthlad drwy

ev golvt y|drẏgẏev ẏ maent ẏn|ẏ hwennẏchv Yr eil ẏw o|r gwnant da wynt

a|gassant* dal amdanaw kannẏs yr pethev dayrẏawl y|gwnnant bop peth o|r

a|wnelont Ac odẏna ẏ|kẏmerant yma ev kyfvloc kadarnn vẏddant yn gyn+

taf oc ev hachos e|hvnein megẏs y|gallont gwpplav y|drẏgẏev ẏ|maent ẏn|ẏ

karv Yr eilweith o|achos y|rei kamwedawc o|e hamdiffẏm* wyntev yn drwc

Y|tryded achos y|gospi onadvnt yr etholedigyonn Ac o|e emendanav* o|e drwcwei+

thredoet Odẏna yach vyddant megẏs na sẏnnẏant yma boen ygyt a|dynyon

Y|rei yt lẏsc gorthrẏmaf dolvr rac llaw Y|rei gwirẏon a|vẏd eissev ac amarth* |a|r

heint arnvnt yman Rac y|digrissahav* mwẏn* pethev drwc ac y|dilev o|r gwneẏnt

beth yn erbynn dvw ac onnẏs gwnelẏnt y|gaffel tal|ẏ|gann dvw dros ev hanmyned.

.Discipulus. Paham yg|gwrthwnneb* y|hynnẏ ẏ|bẏd kẏfvoethawc y|rei da. a|chadarnn a

Jachvs a|rei drwc yn dlodẏon Ac yn wan ac yn heinvs Magister. Y rei o|r etholedigẏon

y|rodir golvdoed vdvnt y|allv gwpplav o|e|da ev gweithredoed da a|vynnẏnt y|wn+

nevthvr Ac y|dangos vdvnt os esmwyth yma y|da amserawl y|mae esmwytha o

lawer da tragẏwẏdawl kadarnn vyddant yn gẏntaf o|e hachos e|hvn y|allv kwp  ̷+

plav yr hvn a|veddylyont a|r eil peth o|achos yr etholedigyon y|allv rodi amdiffẏn

vdvnt a|r da a|r trydẏd peth o|achos y|rei drwc y|allv ev gostwng. Rac gwnev  ̷+

thvr onadvnt kẏmeint ac a|vynnont Jach vydant Rac tristav ẏ|rei gwirẏon or*

ev klefvẏt Ac y|llawnnhav* oc ev hyechyt yg|gwrthwẏnneb ẏ|hẏnnẏ Neb rei

drwc a|boenir yman o|eissev a|thrallawt a|dolvr y|dysgv vdvnt chwerwed y|poenev

y|maent ẏn dy·vryssaw vdvnt drwẏ ev kam·weithredoed Discipulus. Paham o|rei drwc

y|bẏd byw rei a|rei o|r rei da varw ẏn|ẏr ehegẏr Ac yg|gwrthwnneb* ẏ|hẏnnẏ rei o|r

rei da ẏn byw yn hir a|rei o|r rei drwc yn marw ẏn|ẏr ehegẏr. Magister. Y rei drwc a|edir

yn vyw yn hir y|ofvdẏaw y|rei gwiryon Ac y|bvrhav y|pechodev drwydvnt

Ac o|e poeni wyntev yn vyw rac llaw Y rei da a|dygir yntev ẏn|ẏr ehegẏr

y|dwẏn gwrthwẏnnebed ẏ|bẏt y|wrthvnt ac ev|gossot yn llewenẏd tragẏwẏ+

dawl. Yg|gwrthwẏnneb y hẏnnẏ hoydyl hir a|rodir y|rei gwirẏon y|achwanec*+

kar ev gobrwẏev ac ymhwelvt llawer onadvnt a|r da drwẏ angkreifftyev

a|rei drwc a dygir o|e|poeni y|vot aryveic* ar ẏr etholedigyon ẏssẏd ar gyfv+

eilorn Ac o|e dwyn ar ẏr yawnn. Discipulus. Am detwedẏt y|neb nẏ|chẏffvarffo gwr+

thwynneb ac ef yma. Magister. Direittaf dẏnẏon ẏnt y|rei a|gaffo y|bẏt hwnn

wrth ev kynghor a|e hewyllẏs o bop peth heb wrthwẏnneb vdvnt kanẏs

vn ffvnẏt ẏd ẏs ẏn meithrin y rei hẏnnẏ ẏ|sẏchwẏd y|ev rodi ar ẏ|tan ac

yg|gwrthwẏnneb y hẏnnẏ detwẏdaf dẏnẏon yw y|rei a|waharder y|hewy+