NLW MS. Peniarth 190 – page 144
Ystoria Lucidar
144
ewyỻys y gaỻon. discipulus Owi o|r melyster. Magister Beth y+
gyt a|r pump hynny. pei bydut dy hun kyn
iachet a|moẏsen. y gỽr ny siglaỽd dant idaỽ
yn|y oes. ac ny thywyỻaỽd ỻygat. discipulus Owi o|r
hynaỽster. Magister Beth y·gyt a|hynny pei byd+
ut kyhyt dy hoedyl ac y bu vatusalem. y
gỽr a vu vyỽ vil o vlỽynyded. discipulus Owi o|r maỽr+
edigrỽyd. Ef a|welit y mi pei rodit dewis y
dyn ar hynny oỻ. ef a dewissei bop vn o·hon+
unt ymblaen brenhinyaeth. Pỽy|bynnac
ynteu a|vei arnaỽ hynny oỻ o gampeu deỽ+
issach oed. no|r hoỻ vyt. Magister Reit yỽ ytti deỽi
etto tra vych yn gỽarandaỽ petheu a vo gỽ+
eỻ. a pha beth ygyt ac a|enwit uchot pei
bydut kyn doethet. a selyf. y gỽr oed am+
lỽc idaỽ bop|peth kudyedic. discipulus Owi duỽ o
hynny. Magister Beth y·gyt a|hynny oỻ pei bydei
bop ryỽ dyn kyn gedymdeithasset ytt ac
y bu dauyd a Jonathas. yr hỽnn a garaỽd
yn|gymeint a|e eneit; discipulus Owi duỽ o|r gỽyn+
uydedigrỽyd. Magister. Beth ygyt a hynny pei
bydei baỽp mor duun a|thi ac y bu lesius a
| « p 143 | p 145 » |