NLW MS. Peniarth 190 – page 193
Ymborth yr Enaid
193
a marỽ·huneu a|delont o|r dỽywaỽl ga+
ryat hỽnnỽ. ac o|naỽrad yr engylyon.
G wedy yd aruerych o|r dywededigyon
gampeu uchot drỽy ochel y gỽydy+
eu. ac ymwrthot ac ỽynt. ac o|r syrthy
yndunt medeginyaethu y bratheu drỽy
y medeginyaetheu a|dywetpỽyt vchot.
Reit yỽ ytt ymrodi yn gỽbyl o gaỻon
ac eneit a|medỽl y|r dywededic annỽyl+
serch garyat dwyaỽl* a|dywetpỽyt vry.
a chyt dylyych di garu pob vn o|r teir
person yn gymeint a|e gilyd. a|r teir per+
son ygyt yn gymeint a|phob vn ar neiỻ+
tu. a phob vn ar neiỻtu yn gymeint a|r
teir ygyt. Eissyoes o achaỽs kerennyd a
chyfnessafrỽyd. ac adnabot dy gic a|th
waet a|th gyffelyb. nes yỽ yt ymdirioni
a|r mab noc a|r tat neu a|r yspryt glan. ka ̷+
nys efo a|gymerth an knaỽt ni ym·danaỽ
ac a gahat o|r yspryt glan. ac a|anet o veir
| « p 192 | p 194 » |