NLW MS. Peniarth 190 – page 222
Ymborth yr Enaid
222
uaeu y kyfeistedo y creaỽdyr yndunt ỽrth
wneuthur y vrodyeu a|e gyfreitheu yn+
dunt. ac yno y kynhỽyssir dynyon a|wle+
dychont arnadunt eu|hunein ar eu gỽ+
eithredoed a|e medylyeu drỽy ym·rodi y
ofynhau duỽ. megys y gaỻont varnu
yn|gyfyaỽn ar ereiỻ. ac y gaỻo duỽ ar+
glỽyd drỽydunt ỽynteu amgenu gỽe+
ithredoed eu kyt·vrodyr. Arglỽydiaetheu
ynt. y rei a ragoro rac tywyssogaetheu
a|r nerthoed. ac y·gyt ac ỽynt y kyflehe+
ir dynyon gleinyon a orchyfyckont o|e
gleindyt a|e santeidrỽyd yr hoỻ wydyeu. a
hoỻ gnaỽdolyon eidunedeu. Nerthoed
nefolyon ynt. neb rei rinwedeu neu wyr+
theu ryuedolyon a|wnel ỻuossogrỽyd o
engylyon yn|y byt yma. ac ygyt ac ỽynt y
kynhỽyssir dynyon a|wnelont wyrtheu
ac amryuedodeu. ac arỽydon rinwedaỽl.
Cherubin yỽ. vchelyon vedyanneu ar
yr engylyon. ac engylyon wyrtheu. neu
| « p 221 | p 223 » |