NLW MS. Peniarth 31 – page 11r
Llyfr Blegywryd
11r
braỽdỽr y varch yn gyweir. Y braỽdỽr a dyly dangos
idaỽ ef y gyfreith a|e dylyet yn rat. Ef a geiff y tir
yn ryd y gan y brenhin. A|e varch a geiff dỽy ran
o|r ebran. Lle y pen gwastraỽt a|e getymdeithon yn
y neuad ỽrth y golofyn nessaf yr brenhin. Ef ar
pen kynyd ar troydaỽc nyt eistedant yn|y neuad
ỽrth y paret. pop vn o·honunt a|ỽyr y le. Ef a den+
gys ystableu yr meirch. Ac a ran eu hebranneu.
Ef a geiff trayan dirỽy a chamlỽrỽ pop vn o|r guas+
trotyon. Ef a geiff capan y brenhin o|r byd crỽyn
ỽrthaỽ. Ef a geiff ysparduneu y brenhin o|r bydant
eureit neu aryaneit neu euydheit. Ef a geiff o cỽr+
ỽf corneit llaỽn gyt a|e ancỽyn. A|e verch a uyd
vn vreint a merch y pen kynyd. Y ebediỽ uyd punt
a hanher. Pen guastraỽt a geiff y gan y distein
corneit neu ffioleit yd yfho y brenhin o·honaỽ
o|r med. Ac a·rall y gan y pen teulu. Ar trydyd y
gan y vrenhines.
PEn kynyd a dyly caffel y gan y distein y
gayaf croyn ych y ỽneuthur kynllyuaneu
llamysten dof a geiff pop gỽyl vihagel y gan yr
hebogyd. Naỽuet·dyd o galan gayaf y dyly y
pen kynyd ar kynydyon ereill dangos yr bren+
hin y gỽn a|e gyrn a|e gynllyuaneu. A|e trayan
| « p 10v | p 11v » |