Breudwd Welsh Prose 1300-1425
Cymraeg

NLW MS. Peniarth 31 – page 27v

Llyfr Blegywryd

27v

1
pen kynyd. punt a tal pop vn o·honunt. Teir
2
telyn kyfreithaỽl yssyd; Telyn brenhin. A|th+
3
elyn pen kerd. wheugeint a tal pop vn o|r dỽy
4
hynny. kyweir·gorn pop vn a tal deudec kein+
5
haỽc. A thelyn uchelỽr; trỽgeint a tal. A|e
6
chyweir·gorn pedeir keinhaỽc kyfreith a tal.
7
Tri pheth nyt ryd y vilaen eu gỽerthu heb
8
ganhat y arglỽyd. march. a moch. a|mel.
9
os gỽrthyt y arglỽyd gesseuin; gỽerthet yn+
10
teu yr neb y mynho. Teir keluydyt ny eill
11
tayaỽc eu dysgu o|e vab heb ganhat y arglỽ+
12
yd. ysgolheictaỽt. a gofanyaeth. A bardoni+
13
aeth. kanys o diodef yr arglỽyd hyt pan rod+
14
her corun yr yscolheic. neu yny el gof yn|y ef+
15
eil. neu vard ỽrth y gerd. ny dichaỽn eu kei+
16
thiwaỽ guedy hynny. Teir kyflauan os
17
gỽna dyn yn|y wlat y dyly y vab colli tref y
18
tat o|e hachaỽs o kyfreith. llad y arglỽyd. A
19
llad y pen kenedyl. a llad y teispan tyle. rac
20
trymet y kyflyuaneu hynny. Tri anhep+
21
cor brenhin ynt; y effeirat y ganu y efferen
22
ac y vendigaỽ y uỽyt a|e lyn. A|e vraỽdỽr
23
llys y varnu brotyeu ac y rodi kyghoreu.
24
A|e teulu ỽrth wneuthur negesseu y brenhin.