NLW MS. Peniarth 32 (Y Llyfr Teg) – page 102
Llyfr Iorwerth
102
yn gyflet ac o elin hyt ardỽrn. ac yn gyn deỽhet
ac na phlycon yr eu daly herỽyd eu deu ymyl.
a dyn a gynneuho tan y nos honno yn|y neu+
ad. neu geinhaỽc y|r|dyn a|e kynneuho drostaỽ.
Messur daỽn·bỽyt yr haf yỽ moỻt teir·blỽyd.
a manhat emenyn kyflet a|r dysgyl lettaf yn|y
dref. ac chyn deỽhet ac y bo dỽy voel dyrnued yn+
daỽ. a chỽe|thorth ar|hugeint o r ryỽ uara a
dywedassam ni uchot. a chossyn a wnelher o
hoỻ brytỻaetheu y dref un·weith yn|y dyd gyt
a|r bara. heb vrac ac heb ebran. heb dyn y
gynneu tan. Maer a chygheỻaỽr a|dylyant
kylch vn·weith yn|y vlỽydyn ar veibyon eiỻon
y brenhin. a deu was gan bob vn; ac y|r kyg+
heỻaỽr dewis y dy. ac ny dylyant kylch yr haf.
R Ei yssyd ar betrus am veichogi gỽreic;
o|r ỻygrir beth a dylyir ymdanaỽ. a|e wy+
neb·werth a|e galanas. Y gyfreith a|dyweit y
mae galanas a|delir ymdanaỽ. Sef achaỽs
yỽ. Yn|y trimis kyntaf y byd gỽynn ef. ac
yna y byd traean galanas ymdanaỽ. Yn|yr
eil trimis y byd rud ef. ac yna y byd deuparth
galanas arnaỽ. ac yn|y trimis diwethaf y byd
kyflaỽn ef o aelodeu ac y byd eneit yndaỽ.
ac yna y byd galanas gỽbyl ymdanaỽ. Rei
a|dyweit nat iaỽnach talu galanas gỽr ymdanaỽ.
| « p 101 | p 103 » |