NLW MS. Peniarth 32 (Y Llyfr Teg) – page 168
Llyfr Iorwerth
168
1
deu arglỽyd a|gaỻu gan bop vn onadunt yn
2
un wlat. ar beth agkyuodedic. neu ar|tir; nyt rod
3
ac nyt estyn eu hestyn. yny wyper pieiffo y wlat
4
onadunt. O deruyd. y uchelỽr rodi y vab ar uaeth att
5
uab eiỻt arglỽyd gan ganhat yr arglỽyd. a|e di+
6
odef o·honaỽ blỽydyn a dỽy a|their. o|r byd marỽ
7
y mab eiỻt ac na bo plant idaỽ; dygỽydet dyly+
8
et y mab eiỻt yn ỻaỽ y mab maeth. O|r byd plant
9
idaỽ ynteu; kymeint ac vn o|r plant a geiff y
10
mab maeth. O|deruyd. y dyn rodi peth ym|pỽyth y
11
araỻ; ac na|s|gouynno hyt trannoeth; ny dyly
12
y ofyn hyt ympen y vlỽydyn. ac yna dỽyn gỽys+
13
tyl ual am|dylyet araỻ. Ebediỽ maer kygheỻ+
14
aỽr; punt. Ebediỽ maer; chỽeugeint. Ebediỽ
15
uchelỽr; chỽeugeint. Ebediỽ mab eiỻt o|r byd
16
eglỽys ar y|dir; chweugeint. Ebediỽ aỻtut; pede+
17
ir ar|hugeint. Ebediỽ staueỻaỽc o wreic; vn ar
18
bymthec. Nyt a ebediỽ yn|ol tir kyfrif. O|deruyd. gỽ+
19
ahanu dyn a|e dir yn|y vywyt; nyt a y ebediỽ
20
yn|ol y tir. namyn yn ol y|da. O·ny byd da
21
idaỽ; bit diffodedic yr ebediỽ. Ny dyly na|r
22
brodyr na|r kefynderỽ talu ebediỽ am|tir dif+
23
fodedic. kanny chaffant ỽy y tir heb y brynu.
24
Ebediỽ pob sỽydaỽc yn|y ỻys chỽeugeint.
25
Ebediỽ bonhedic canhỽynaỽl. ac uchelỽr.
26
a gỽr kyuarỽssaỽc kynno bo tir yn ỻaỽ vn
| « p 167 | p 169 » |