NLW MS. Peniarth 32 (Y Llyfr Teg) – page 190
Llyfr Iorwerth
190
1
y gỽr a|e beichocco. Os ynteu a veichocca gỽreic;
2
kaffel o|r mab y dref·tat ynteu. Tri ỻe y dyly
3
arglỽyd erlit gỽeli tauaỽt kynny chaffo y
4
neb y dywetter ỽrthaỽ iaỽn. vn o·honunt yỽ;
5
pỽy|bynnac a ymgeinho a|e gilyd yn|dadleu. neu
6
ym mynwent neu yn eglỽys. neu yn ỻys. ef
7
a dyly camlỽrỽ; kyn·ny chaffo y neb yd ymgei+
8
ner ac ef iaỽn. O|deruyd. y aỻtut mynnu mynet
9
y ỽrth y arglỽyd. a|thebygu o·honaỽ dylyu oet
10
o gyfreith. ỽrth dỽyn y yt y vynet y|r|wlat yd
11
henyỽ o·honei; kyfreith. a|dyweit na|s|dyly. namyn
12
yny darffo rannu y geinhaỽc diwethaf os o|r
13
ynys yd henuyd. Os tramor; hyt y gỽynt kyn+
14
taf y gaỻo vynet y|ỽ wlat y|dyly oet. O|deruyd
15
y aỻtut vynet y|r wlat yd hanfo o·honei. a thri+
16
gyaỽ yno vn dyd a blỽydyn. kyt del drachefyn
17
nyt oes haỽl o gyfreith arnaỽ yn|y ỻe y buas+
18
sei gynt. mỽy noc ar|araỻ o·ny|s o nys|myn e|hun.
19
Ny dylyir dihenydyu aỻtut am y gyflauan
20
gyntaf o cheffir chweugein drostaỽ; nyt am+
21
gen o ledrat. nac am yr eil o|cheffir punt dros+
22
taỽ. neu os diheura y arglỽyd o|bop vn o|r
23
dỽy uchot. am y|dryded; trychu vn o|e aelodeu.
24
Rei a dyweit o|r trydyd ỻedrat aỻan; dylyu
25
o·honaỽ y|dihenydyu. ereiỻ a|dyweit na|dylyir
26
namyn trychu vn o|e aelodeu ỽrth bop ỻedrat
| « p 189 | p 191 » |