NLW MS. Peniarth 36A – page 32r
Llyfr Blegywryd
32r
a teruyna. Os y·rỽg kyt etiuedyon breint
a teruyna. Os y·rỽg tir kyfanhed a thir
diffeith; kynwarchadỽ a teruyna. adeil
ac aradỽy yỽ kyfanhed. Pan teruynho
llys; maer a chyghellaỽr bieu dangos drosti
y teruyneu. Os eglỽys; bagyl ac euegyl.
Or byd amrysson rỽg deu dyn vn vreint
am teruyn. ac na ỽypper gỽir y·rydunt.
tyget pob vn y teruyn. ac odyna ranhent
y tir amrysson yn deu hanher. Pan ter ̷+
uyno tref ar y llall; ny dylyir dỽyn ran+
tir yn gỽbyl y ỽrthi gyt ar teruyn. Tri
lle y ran kyfreith yn deu hanher. ar vn
rac dywededic yỽ y kyntaf. Eil yỽ pan
ranher eu da rỽg gỽr a gỽreic o varwoly+
aeth y neill o·honunt. Trydyd yỽ pan
dyccer llỽdyn neu peth colledic o aghyf ̷+
reith y gyfreith. Deudec erỽ a thrychant
a vyd yn| y rantir gyfreithaỽl megys y
kaffo y perchen oe trychan erỽ. aradỽy
a phorua a chynnut. a lle a·deil or deudec
erỽ. Vn troetued ar pympthec a vyd
| « p 31bv | p 32v » |