NLW MS. Peniarth 36A – page 45v
Llyfr Blegywryd
45v
diffrỽyth. Gỽerth y teth pob blỽydyn. a
tal idaỽ tra vo y vuch ar y helỽ. Deu vgeint
a| tal eneit buch neu ych. dros y croen;
ỽyth keinhaỽc. Dros y petwar wharth+
aỽr; ỽyth keinhaỽc. dros y pen ar traet
ar amyscar. ar gỽer. pedeir keinhaỽc.
Buch a vyd taladỽy oe heil llo* hyt y py+
mhet. Ac ych or tryded ieu hyt y| whchet*.
Y neb a wertho buch. neu ych. ef a dyly
vot dros tri chlefyt. rac y dery tri dieu
a their nos rac yr yscefeint tri mis.
rac y pelleneu vlỽydyn. Teithi ych yỽ
eredic yn rych ac yg gỽellt. ac yn allt
ac y|g·waeret. a hynny yn di·tonrỽyc.
ac ony byd velly. ny byd teithiaỽl. ac
ony byd teithiaỽl. atueret y neb ae gỽ ̷+
ertho trayan y werth yr neb ae prynho.
Y neb a talho neu a wertho llo neu din+
awet. meichet dros dilysrỽyd. a bit
dros deu glefyt. rac y dery tri dieu a the ̷+
ir nos. ac rac y clafri. o ỽyl yr hollseint
hyt ỽyl patric. Y neb y del idaỽ ny dyly
| « p 45r | p 46r » |