Breudwd Welsh Prose 1300-1425
Cymraeg

NLW MS. Peniarth 38 – page 22v

Llyfr Blegywryd

22v

vn o·honunt heb etifed o|e gorff neu gytetifed.
hyt geifyn; y brenhin a vyd etifed o|r tir hỽn  ̷+
nỽ. M·egys y|mae braỽt yn etifed o tref y tat;
velly y|mae chỽaer yn etifed dylyedaỽc o|e
gỽadaỽl. trỽy yr hỽn y kaffo hi ỽr priaỽt dy  ̷ ̷+
lyedaỽc o tir. nyt amgen gan y|that neu gan
y etifedyon o|r tric hi ỽrth gyghor y rieni. a|e
chytetifedyon. ony byd y perchennaỽc tir etif  ̷+
ed arall onyt merch; y verch a vyd etifed o|r
tir oll. O r byd y|berchennaỽc tir etifed dedua  ̷ ̷+
ỽl ac arall aneduaỽl; y deduaỽl a|vyd etifed
o|r tir o gỽbyl. a|r aneduaỽl heb ran O r byd
y berchennaỽc tir etifed dianaf ac arall ana  ̷+
fus megys dall neu vydar ne* gryppyl. y dia+
naf a vyd etifed o|r tir oll na deduaỽl nac an  ̷+
eduaỽl vo. kany dichaỽn neb anafus ỽassa+
naethu tir y brenhin o dadleueu a|lluydeu.
ac o|r byd y|r anafus hỽnnỽ etifed dianaf;
hỽnnỽ a vyd etifed o|e dylyet ef o|r tir. Pỽy
bynhac a gymero dylyet dyn anafus o tir;