NLW MS. Peniarth 38 – page 23v
Llyfr Blegywryd
23v
tir o ach ac etrif. ny dylyir y|ỽarandaỽ hyny
tygho henaduryeit gỽlat y hanuot o|r ỽelyg ̷ ̷+
ord a gynhalyo y tir. Y neb a gynhalyo tir an+
ylyet idaỽ yn vn gỽmhỽt neu yn vn gantr ̷ ̷+
ef a|r rei a|e dylyho trỽy teir oes rieni o pop
parth yn hedychaỽl heb gyffroi haỽl ymdan+
aỽ yn llys. heb losci ty heb torri aradyr o eisseu
kyfreith. ny dyly atteb vdunt gỽedy y teir oes.
kanys kayedic vyd kyfreith y·rydunt. Y neb
a odefho rodi y dylyet yn|y ỽyd y arall heb lud
a heb ỽahard yn|y erbyn. kyt a|s gofynho ỽedy
hynny; ny ỽerendeỽir yn|y oes o gyfreith. y e ̷+
tifed hagen a|e keiff os gofyn yn gyfreithaỽl.
Ny|chae kyfreith rỽg brenhin a|e dir dylyet
yn llei yspeit no|chant mlyned. Gỽedy y bo
ran odefedic rỽg etifedyon ar tir. nyt oes dy+
lyet y vn o·honunt ar ran y llall ac etifed idaỽ
onyt o atran. pan del amser. pỽy|bynhac h+
agen ny bo idaỽ etifed o|e gorff. y gytetifedy ̷+
on nessaf o vyỽn y teir ach o|r kyff; a vydant
| « p 23r | p 24r » |