NLW MS. Peniarth 45 – page 184
Brut y Brenhinoedd
184
vyneb. ynys. prydein. AC anrydedu a wnaeth y
brenin. yr vylua honno megys y darpar+
assei gan lewenyd. A llawen uu gan
paỽb gwelet eu brenin. yn eu haruoll
mor anrydedus a hynny. A chymeint o
dyledogyon a doethant yno hỽy ac eu
gỽraged a|e meibyon AC yd|oed teilỽng
y ryỽ wled honno. AC yno yr dothoed
Gorleis iarll kernyỽ. Ac eigyr uerch am+
laỽt wledic y gyt ac ef. Pryt y wreic
honno a|e thegỽch a orchyuygei wraged
ynys. prydein. oll. A phan welas y brenin. y wreic
honno. ymlenwi a wnaeth o|e charyat yn
gymeint ac na hanbỽyllei o dim namyn
o|e holl ynni. A|e uedỽl a|e weithret y han+
rydedu hi. Jddi hi yd anuonit y golỽyth+
on ar anregyon. Jdi|hi heuyt yd anuonit
y gorulychu* eureit. Ar gwirodeu yn+
dunt. Ar heil mynych. Ar geireu tiry+
on. Ac gỽedy gỽybot hynny o|r iarll y
gỽr hi. llidyaỽ a wnaeth. Ac yn diann+
ot adaỽ y llys heb ganyat y brenin. A chy+
meint uu y lit. Ac na allỽyt y ymcholu*
dracheuen rac ouyn colli y wreic yr
hon a carei ef yn uỽy no dim dayaraỽl.
A llidyaỽ a wnaeth y brenin. am adaỽ y lys
| « p 183 | p 185 » |