NLW MS. Peniarth 45 – page 295
Trioedd Ynys Prydain
295
gyuedaỽt. A diffydell. mab. disgyfedaỽt
tri meib beird oydynt ell tri. Tri
gwayỽrud beird. ynys. prydein. Tristuard bard
vryen. A dygynelỽ bard ywein. A mi+
an·uerdic bard catwallaỽ. mab. catuan.
A ryhaỽt eil morgant. Tri chynweiss+
at. ynys. prydein. caradaỽc. mab. bran. A chaỽrdaf. mab.
caradaỽc. Ac Owein. mab. maxen wledic. ~ ~
Tri llyghessaỽc. ynys. prydein. Gereint. mab. er+
bin. A gwenỽynwyn. mab. naf. A march.
mab. meirchaỽn. Tri gỽrduaglaỽc. ynys. prydein.
rineri. mab. tangỽn. A dinwaed uagla+
ỽc. A phryder. mab. dolor deiuyr a|brynych
Tri hualaỽc. ynys. prydein. Catwaladyr uendi+
geit. A run. mab. maelgỽn. a riwalla+
ỽn wallt banadlen. Tri chat·uar+
chaỽc. ynys. prydein. caradaỽc ureichuras.
a menwaed o arllechwed. A|llyr llu+
ydaỽc. Tri gallouyd. ynys. prydein. greida+
ỽl galouyd. mab. eunael adran. A gwe+
ir gỽrhyt vaỽr. A drystan. mab. tall+
ỽch. Tri ruduoaỽc. ynys. prydein. Arthur.
a run. mab. beli. A morgant mỽynua+
ỽr. Tri thaleithaỽc cat. ynys. prydein.
drystan. mab. tallỽch. A huil. mab. caỽ.
a chei. mab. kynyr kynuaruaỽc. Ac un
oed taleithaỽc arnadunt wynteu
| « p 294 | p 296 » |