NLW MS. Peniarth 47 part i – page 18
Ystoria Dared
18
euffrans vrenhin a e kymerassei yn lle
ef. ac ercỽlf y dat a|e haruollassei yn an+
rydedus. ac yna y|dugant ỽy gantunt dy+
omedes vrenhin yr hỽnn a|oed yn y
blinaỽ o ueirch ac arueu. ac o achaws dy+
uot kof y|dephelus uap ercỽlf yr aruoll
hỽnnỽ y|amdiffynnaỽd ynteu euo dan y
daryan rac y lad o ychel·arỽ. [ a gỽedy
ry|dyall o euffrans vrenhin na bydei vyw
o|r brath a gaỽssei ef a|rodes teyrnnas boe+
cia yn|y vyỽyt y|dephelus uap elcỽlph
gỽedy y|varỽ ef y kladaỽd telephus ef yn
anrydedus. ac annoc a oruc ychel y|delephus
gỽarchadỽ y|teyrnnas neỽyd. ac ynteu
a|dyỽot y|mae y|gallei mỽy ef dygrynnoi
y|r llu o anuon dogyn o|ỽenith vdunt o e
deyrnnas ef tra vyddynt yn ymlad a
throia. noc o|vynet ohonaỽ ef gyt ac
ỽyntỽy. ac ar hynny y|trigyaỽd thele+
phus yno. Ychel a|e lu a|ymhoelaỽd y|te+
nedon a|diruaỽr antreith gantunt. a
datkanu a oruc ychel yr hynn a|ỽnaeth+
| « p 17 | p 19 » |