NLW MS. Peniarth 9 – page 29v
Ystoria Carolo Magno: Chronicl Turpin
29v
a|y lu. y klyuychỽys marchaỽc. Romaric oed
y eno. A gỽedy y gỽahau* a chymryt kymun
a|dillygdaỽt gan offeirat. march oyd idaỽ a
orchymynnỽys y gar idaỽ y werthu a rodhi
y werth rac y eneit y yscoleigon ac y eissywe+
digyon. A gỽedy y uarỽ. y gar a werthỽys y
varch yr cansỽllt ac o chwant y da a|e treul+
ỽys y hun yn vỽyt a diaỽt a dillat. Ac y meg+
ys y gnottaa dỽyaỽl dial yn ol y gỽeithretoed
drỽc ymhenn y decuet niwarnaỽt ar|hug+
eint pan yttoed yn kyscu yd ymdangosses y
marỽ idaỽ a dywedut ỽrthaỽ. Canys kym+
ynneis i vyn na itti y rodi rac vy eneit dros
vymechaỽt gỽybyd di ry|uadeu o duỽ imi
vy holl pechodeu. A chanys etteleist ti vy al+
wissen i. yn gam. yd etteleist titheu vinheu
ymhoyneu uffern dec niwarnaỽt ar|huge+
int. gỽybyd ditheu y bydy erbyn auory ym
poyneu uffern o|r lle y deuthum inheu o·hon+
aỽ. Ac y bydaf vinheu ym paradỽys. A gỽ+
edy yr ymadrodyon hyny yd aeth y marỽ
ymdais. y deffroes y byỽ o kymraỽ. A phan
yttoed y bore dranhoeth yn datcanu y paỽb
galyỽssei. ar llu yn ymdidan y·rygtunt am
hynny. nachaf yn deissyueit gaỽr o|r a wyr
am y ben mal utua bleideu. neu leuot. a bi+
glodat gỽarthec ac yn diannot o|berued
y llu yn|y iechyt a|y vywyt yn|yr utua honno
y ysglyfyeit o|r dieuyl. Odyna y keissỽyt pet+
| « p 29r | p 30r » |