NLW MS. Peniarth 9 – page 37r
Ystoria Carolo Magno: Pererindod Siarlymaen
37r
*aỽl*. y deudec gogyuurd. nyt amgen. Tỽr+
pin archescob. Rolond nei y brenhin. Oli+
uer y gedymdeith. Gỽallter o orreins
Nari us gadarn a gỽychyr. Oger o denmarc.
Gereint. Gerrard. Brengar. Bertram
llaỽ gadarn. Bernard Jarll. Evrard dy+
girỽyd. a llawer o wyrda a marchogyon
ereill y rei a hanoyd eu boned ac eu ryeni
o dayar ffreinc yn|y veint vydin mor uon+
hedic a honno yd oyd y brenhin ỽrthunt.
Om ffydlonyon i. rei ry broueis i. eu gỽych+
ter ac eu molyant ygyniuer gỽeith y may
hynt gryno. yn aỽch gỽahaỽd y chwi y gyt
a mi yr aỽr hon nyt amgen pererindaỽt
dayar garusalem yn lle an prynỽyt ni o
wayt an harglỽyd. A gỽedy y perrerinda+
ỽt y regi bod imi y ym·ỽybot a hu vrenhin
yr hỽn a goffa y vrenhines y ragor ragoffi.
A gỽedy yr ymadrodyon brenhinaỽl a|ther+
uynu y cỽnsli. y gỽyrda a ymparatoyssant
y eu hynt gyt ar brenhin. ar rei a oyd diga+
ỽn meint eu gallu o|r eidun y hunein bren+
hinaỽl halaythder ac eu gỽnayth yn vỽy
eu gallu. Ef a rodes udunt llurygeu ach*
chledyueu. a helmeu. A phob kyfryỽ arue+
u o|r a vei reit ygỽassanayth marchogyon.
Ac nyt reit ini na gohir na llauur y gan+
maỽl y rodyon. pan allo y rodyon ymdan+
gos yn lỽc o helaythder eu|rodyaỽdyr.
The text Ystoria Carolo Magno: Pererindod Siarlymaen starts on line 1.
| « p 36v | p 37v » |