Breudwd Welsh Prose 1300-1425
Cymraeg

Oxford Rawlinson MS. B 467 – page 19r

Meddyginiaethau

19r

ẏsc vẏstẏl ẏsgẏuarnoc a mel ac a|hỽn+
nỽ ir dẏ dal. Heuẏt mortera ẏ rut
a|mel a|halen. ac o hỽnnỽ dot flastẏr
ar dẏ benn. Rac gỽaeỽ ẏn|ẏ penn kẏ+
mer ẏ|danhogen a|r ỽermot. a|r ỽalỽrẏt.
a|r selidon. a|r veruen. a|r saisch. a phẏ+
pẏr. a briỽ hỽẏnt a|berỽ mẏỽn dỽfẏr
ac ẏf ẏ|diot honno ẏn|vn·prẏdẏol. Ar+
aỻ ẏỽ kẏmer ẏ|danhogen a|r veruen. a|r
ỽermot a|berỽ hỽẏnt a|golch dẏ|benn
deirgỽeith ẏn ẏr ỽẏthnos a|da ẏỽ. Araỻ
ẏỽ bỽẏtta ẏ lanhau penn bỽẏtta ỽreid
ẏ peledẏr dridieu ar vn tu. a|da ẏỽ.
Rac dolur penn ac ẏ|lanhau ẏr emen+
ẏd a|r ỻẏgeit. Kẏmer ẏ danhogen poỻ+
ogin hulỽrt. ac avans. a|r saisch. ac